مواد الترم الاول لطلابة ميكانيكا باور الفرقة الاولى (بالتفصيل)

مواد الترم الاول لطلابة ميكانيكا باور الفرقة الاولى (بالتفصيل)

الترم الاول

هتدرسوا 6 مواد وهم (هندسة كهربية -ميكانيكا ومقاومة مواد - فيزياء 2- رياضة 2-رسم ميكانيكى- هندسة انتاج )

1- هندسة كهربية

المادة دى تعتبر مادة مش صعبة للى بيذاكرها بشكل دائم ومتابع كل المحاضرات والسكاشن بانتظام لكن اللى هيطنش هيلقها مادة رخمة ومش هيمشى فيها وهى عبارة عن 2جزء Dc. Ac &.Dcللدكتور محسن فضل هو كويس بس اللى يركز معاه ولازم تحل بطريقته علشان متشلش المادة يعنى مش هيكون ادامك غير المحاضرات والسكاشن وعموما جزء Dc اكبر واهم بكتير من جزءAc والمعيد (محمد عبد المنعم) حلو اوى بس مشكلته فى المواعيد مش مظبطة خالص .المادة من 100درجة.

2- فيزياء 2

مادة سهلة ااااااااااااااوى لان باختصار حل الامتحان بيكون معاك فى Solved Examples وSheets فى الكتاب بالاضافة الى Proofs اللى فى المحاضرات الكتور اسمه وائل زغلول اكيد عا رفينه وعارفين نظامه ايه المادة من 100 درجة والمعيد اسمه ناهد هيحل معاكو المسائل فى السكاشن سكشن مسائل وسكشن تجربة وفيها امتحان عملى كمان.

3- رسم ميكانيكا

المادة دى مهمة جدا جدا لانها تعتبر بداية شغل القسم وكمان مش صعبة للى بيحب الرسم والاستنتا ج للمساقط زى اعدادى بس هتخدوا Assembly الرسم التجميعى وده اهم حاجة فى الحوار ده كله بيشرح ازاى لو عندك كذا mechanical parts بتجمعهم ازاى بحيث يكونوا mechanical structure وطبعا بتجيب المساقط الثلاث له مش كده وبس (يعنى مش كل course)رسم بس لا لا لا فيه جزء نظرى كبير ومهم وعليه درجة كبييرة بيتناول فيه Bearings ,Matrials ,Machining symbols,.......... والدكتور جامد جدا ومحترم اوى (علاء البطش) وزى نظام اعدادى سكشن كل اسبوع فيه Classwork ,Home work المادة من 150درجة .

4- هندسة انتاج

كابوس كل طالب فى باور بجد المادة دى بالذات هتكرهك فى حياتك والقسم والكلية وكل حاجة لانهامادة تقيلة وكلها رغى كتتتتتتتتتتتتتتتتتتتيييير

لازم تحفظه غصبن عنك علشان تنجح ده كمان غير المسائل اللى فيها وارخمهم بالنسبة لى gear box design المادة دى عايزة مجهود رهيب وتركيز مع الدكتور فى المحاضرة لانها ماليهاش سكاشن لها ورش (ماكينات وبرادة )والدكتور جمال شحاته ... ولازم تتعود على حل المسائل من اول الترم مع السرعة لانها مسائل طويلة جدا .

5-ميكانيكا ومقاومة مواد

بتكون جزئين كل جزء على حده منهج غير المنهج خالص (ميكانيكا )د. الحاج حسن اكيد عارفينه من اعدادى المحاضرات مهمة اوى لازم تكتبها وراه بالتفصيل لانه بيجيب منها الامتحانات بالاضافة الى الامثلة المحلولة فى الكتاب اللى هيقول عليها وهو بيدكو اول شبترين وبيكمل معاكو د.خالد زيد المحاضرات مهمة مهمةا وى مافيش مفر تانى غيرها لان الكتاب بيكون مسائله كتير اوى وهو اللى بيحدد المسائل اللى هو عايزه (المحاضرات المحاضرات ) والمعيد الحلو اسمه وائل عباس وورقه بيكون فى الفا روق والصديق.

مقاومة مواد د/امال د/محمود السيد كل دكتور هيدى جزء معين المادة دى رخمة الى حد ما لان مافيش معيدين حلوين خالص ركز فى محاضرات دكتور امال واكتبها عشان تذاكر منها اخر الترم ودكتور محمود السيد مش عارف على العموم ركز معه برده فى المحاضرات وبتباع ورق للمادة فى المكتبات والمادة من 150 درجة 90 فاينال و 60 اعمال سنة ولازم تحل الميد ترم بسرعة جدا جدا جدا لان الامتحان بيكون 1ساعة وورقتين (ميكانيكا ومقاومة )معا وبيكون فيه امتحان شفوى غير الريبورتات .

6- الرياضة

د/عماد الفريد ود/عبد الباسط ..د/عماد هيدرس diff.equations .د/عبد الباسط هيدرس advanced calculus- المادة سهلة للى هيذاكرها اول باول ومحتاجة السرعة فى حل المسائل والحضور فى المحاضرات لان الدكتورين بياخذوا الغياب فى اى وقت والحضور بيكون للباشمهندس محمد فتحى هتفهم كل حاجة ان شاء الله