اهم المصطلحات التى تهم المهندس المعمارى

 

اقدم لكم بعض المصطلحات المعمارية التى جمعتها من بعض المواقع

ARCHITECTURE DESIGN التصميم المعمارى

ARCHITECTURE PRESENTATION الاظهار المعمارى

BUILDING CODES AND REGULATION شروط وقوانين المبانى

CONTEMPORARY DESIGN APPROACHES مداخل التصميم الحديثة

CITY PLANING التخطيط العمرانى

BUILDING CONSTRUCTION SYSTEMS نظم الانشاءات

مواد السنة الثالثة لقسم عمارة

مواد السنة الثالثة لقسم عمارة

الترم الثانى	الترم الاول
التصميم المعمارى	التصميم المعمارى
تصميمات تنفذية	تاريخ ونظريات العمارة
التصميم العمرانى والسكان	تصميمات تنفذية
الاساسات	التخطيط العمرانى
مقرر اختيارى3	مقرر اختيارى1
مقرر اختيارى4	مقرر اختيارى2

راتب المهندس المعمارى فى الخارج

راتب المهندس المعمارى فى الخارج

 

فهى تبدا من 3500 ريال وحتي 7000 ريال وذلك علي حسب الخبرة والجنسية والاقامة والسكن والتأمينات ونوع عمل الشركة والدولة الخليجية

فعلى السبيل المثال راتب المهندس المعمارى حديث التخرج فى امريكا بيترواح مابين 4000الى 6000دولار ويكون اكثر لو كان ذو خبره

مواد السنة الرابعة لقسم عمارة

مواد السنة الرابعة لقسم عمارة

الترم الثانى	الترم الاول
مقرر اختيارى5	التصميم المعمارى
مقرر اختيارى6	تاريخ ونظريات العمارة
مقرر اختيارى7	تصميمات تنفذية
المشروع	التخطيط العمرانى والسكان
	التخطيط العمرانى

مواد السنة الثانية لقسم عمارة

مواد السنة الثانية لقسم عمارة.

الترم الثانى	الترم الاول
التصميم المعمارى	التصميم المعمارى
تاريخ ونظريات العمارة	تاريخ ونظريات العمارة
التخطيط العمرانى	التخطيط العمرانى
التحكم البيئى والتركيبات الفنية	التحكم البيئى والتركيبات الفنية
الدراسات المعمارية والانسانية	مهارات ودراسات بصرية
الانشاء المعمارى والمواد	الانشاء المعمارى والمواد

مواد السنة الاولى لقسم عمارة

مواد السنة الاولى لقسم عمارة .

الترم الثانى	الترم الاول
تصميم معمارى	تصميم معمارى
تاريخ ونظريات العمارة مهارات بصرية	تاريخ ونظريات العماره مهارات بصرية
الانشاء المعمارى	الانشاء المعمارى
المساحة خواص ومقاومة المواد	الرياضيات والاحصاء نظرية الانشاءات

ما هى الكورسات المناسبة للمهندس المعمارى؟

ما هى الكورسات المناسبة للمهندس المعمارى؟

 

في شوية كورسات مهمه جدا لازم تخدها سواء قبل ما تدخل القسم او في اثناء دراستك في القسم مثل

AUTOCAD

من اقوى البرامج لعمل الموديلينج لازم تتعلموه وانتوا فى القسم لانكم هاتستخدموه كتير جدا

3DMAX

نبذة عن التدريب

نبذة عن التدريب

التدريب مهم جدا في هذا القسم وتحاول كمان تنزل تدريب من اول سنة

الكلية بتنزل تدريب وبس انتا تحاول تشوف تدريب في مكتب احد الدكاترة اللى عندك في القسم وفى هذه الحالة يتطلب الدكتور غالبا التقرير بتاعك يبقى كويس

ما هى متطلبات قسم عمارة؟

ما هى متطلبات قسم عمارة؟

لا يشترط ان تكون بتحب الرسم بتاع اعدادى علشان تدخل القسم ده لان اللى هتدخوه في عماره حاجة تانية غير بتاع اعدادى

اهم حاجة انك متزهقش من الشغل لان القسم فيه شغل كتير جدا وممكن تقضى اليوم كله في الكلية

كمان حاجة ان يكون عندك شوية تخيل علشان تتميز في هذا القسم

طبيعة الدراسة في قسم عمارة

طبيعة الدراسة فى قسم عمارة

القسم ده مفهوش مذاكرة كتير علشان الشغل فيه كتير يعنى المذاكرة بتبقى حوالى 40% ولكن 60% الباقية هتبقى مشاريع وابحاث واحسن حاجة في القسم الشغل الجماعى يعنى مثلا سنة تانية تنزل تساعد سنة اولى وهكذا..

وكمان ان هذا القسم يتميز بانه من اقرب الاقسام للواقع يعنى لما تخلص الدراسة ان شاء الله مش هتتعب بعد كدة في الحياة العملية مثل باقى الاقسام علشان هما بيدرسوا في الكلية حاجات مبيشتغلوش بيها اصلا.

 

طبيعة عمل المهندس المعمارى

طبيعة عمل المهندس المعمارى

وظيفة المهندس المعمارى انه يقوم بتصميم المشروع كله كرسومات مثل تصميم شركة معينة ثم بعد ذلك يعطى نسخة لمهندس الكهرباء علشان يعمل الشبكات الكهربية وللمهندس المدنى علشان يقوم بتنفيذ المشروع على الواقع ولمهندس اتصالات علشان يعمل شبكة اتصالات للشركة

نبذة تاريخية عن قسم الهندسة المعمارية

نبذة تاريخية عن قسم الهندسة المعمارية

عاشت البلاد تبنى مبانيها على مدى طويل بواسطة محترفى البناء الذين كان عملهم مقصورا على التلمذه من الصغر تحت إشراف الأكثر خبرة وتجربة (طريقة الصبى والمعلم) فقد كان عملهم مقتصرا على حرف البناء المختلفة. وقد عاون هؤلاء بعض الطوائف من الأجانب الذين كان مستواهم لايزيد كثيرا عن الوطنيين فقد كان تعليمهم لايزيد عن التلمذة فى مكاتب تحترف العمارة. وظل هذا أسلوبا متبعا لزمن. وبذلك كانت مهنة الهندسة المعمارية فى مصر منذ منتصف القرن التاسع عشر حتى أوائل القرن العشرين يسيطر عليها الأجانب من جنسيات مختلفة فكانت العمارة تعبر عن اتجاهات متضاربة. ثم بدأت حركة البناء تتأثر بالتعليم خاصة بعد إنشاء مدارس الهندسة ومن هنا انتقلت عمليات البناء من حرفة إلى علم يدرس ويقنن ويرجع للقانون الصادر لنقابة المهندسين الفضل الأول فى وقف محترفى البناء من المواطنيين والأجانب حيث انتقلت المسئولية والعبء الأكبر إلى خريجى المدارس المختلفة.

ويعتبر قسم العمارة من أقدم الأقسام الهندسية فى الكلية ويرجع الفضل إلى محمد على.

ففى عام 1816 أنشأ محمد على مدرسة المهندسخانة وكانت العمارة هى إحدى التخصصات الأساسية للمدرسة وقد أرسل محمد على البعوث العلمية الى أوربا خاصة فرنسا لدراسة العلوم والفنون المختلفة والتى كان روادها النواة التى بدأت معهم نهضة تعليمية كبرى.

فى سنة 1834 افتتحت المهندسخانة بصفة نظامية فى بولاق إلا أنها أغلقت فى عام 1854 لتعود من جديد بعد أربعة سنوات بالقناطر الخيرية فى هندسة الرى وأخرى بالقلعة لدراسة فن العمارة وبعد انفصال المدرستين عادتا مندمجتين فى مدرسة واحدة بصفة شاملة لدراسة العمارة والرى بسراى الزعفرانة بالعباسية فى عام 1866 ثم انتقلت إلى سراى درب الجماميز بسراى المرحوم فاضل باشا واستمر الحال هكذا حتى تم وضع منهجا ونظاما محددا للمدرسة وتخصيص قسم للرى وآخر للعمارة على أن تكون مدة الدراسة خمس سنوات منها سنة إعداديه وأن يكون التخصص فى السنتين الأخيرتين وبعد ست سنوات ألغيت السنة الإعدادية.

وفى عام 1896 انتدب السيد مولر من الخارج لبحث أحوال الدراسة بالمدرسة وتقديم تقرير عن سير الدراسة وكان من رأيه إعادة دمج قسمى الرى والعمارة فى قسم واحد ثم نقلت عام 1902 - الى مكان جديد هو دار مدرسة الزراعة القديمة بالجيزة إلى أن انتهت مبانى المدرسة (كلية الهندسة الحالية) فى عام 1905.

وبعد أن كانت المدرسة تنقسم إلى قسمى العمارة والرى عادت فى عام 1916 وأنقسمت الى خمسة أقسام هى الرى والعمارة والبلديات والميكانيكا والكهرباء والتخصص فى السنتين الاخيرتين.

وفى عام 1924 انتدب المهندس مصطفى محمد فهمى رئيسا لقسم العمارة ويعاونه الأساتذة على لبيب جبر ومحمد رأفت. وفى سنة 1927 أعيد تقسيم أقسام الكلية إلى أربعة أقسام هى القسم المدنى وقسم العمارة وقسم الميكانيكا وقسم الكيمياء الصناعية ثم عين شارل اندريا ناظرا للمدرسة فى عام 1928 .

وبناء على طلب رئيس الجامعة بضم المدرسة الخاصة للجامعة أصبح قسم العمارة على نظام الخمس سنوات وكانت أول دفعة فى القسم تخرجت على ذلك النظام دفعة عام 1936.

ونظرا لاختلاف طبيعة الدراسة فى قسم العمارة فقد رؤى فى بداية الستينيات فصل قسم العمارة عن السنة الإعدادية بالكلية حيث تقرر ذلك كخطوة أولى نحو تحويل أقسام العمارة الى كلية للعمارة بناء على قرار المجلس الأعلى لرعاية الفنون والآداب فى جلسات عديدة حيث تقدم بتقرير وتوصيات بتاريخ 27/2/1958 - على اعتبار أن معظم المعاهد المعمارية الخارجية منفصلة عن كلية الهندسة بصفة عامة وقد استمر فصل السنة الإعدادية لقسم العمارة عن باقى الكلية من بداية الستينيات وكان يقبل الطلاب من مكتب التنسيق مباشرة طبقا لمجموع خاص وفى عام 1968 رؤى إعادة ضم إعدادى عماره إلى إعدادى كلية الهندسة وأصبحت الدراسة فى قسم العمارة أربع سنوات تسبقها سنة إعدادية كباقى الأقسام بكلية الهندسة

كم تتراوح راتب المهندس المعمارى حديث التخرج في الشركات المصرية ؟

كم تتراوح راتب المهندس المعمارى حديث التخرج في الشركات المصرية ؟

حديثى التخرج ما بين 500 كحد أدنى إلى 3000 ألاف كحد أقصى

خبرة سنتان ما بين 900 كحد أدنى إلى 4000 كحد أقصى

خبرة 5 -7 سنوات ما بين 1500 كحد أدنى إلى 5000 كحد أقصى

خبر ة 7 - 10 سنوات ما بين 2000 كحد أدنى إلى 9000 كحد أقصى

خبرة ما بين 10 -15 ما بين 3000 كحد أدنى إلى 15000 كحد أقصى

خبرة أكثر من 15 سنة لا أنصحة بتغيير عمله فليس له سعر للاسف و إن كان ترك عمله فانصحة بالإتجاة نحو الإستشارات و تاسيس شركة خاصة به

 

كيف تنمى مهارات الرسم الحر ( free hand )

كيف تنمى مهارات الرسم الحر ( free hand )

 

يمثل الرسم الحر للطالب المعماري ثلاث عقبات و هي:
عقبة فكرية:و هي اقتناع الطالب الداخلي بان الرسم باليد الحرة هو موهبة مطلقة, فان لم يكن الطالب موهوبا, فلن ينجح في اداء تلك المهمة
عقبة عملية: هي عدم تدرب كثير من الطلبة على الرسم الحر في مرحلة التعليم ما قبل الجامعي, و في عدم ممارستهم للرسم اليدوي الحر بكثافة معقولة قبلا انضمامهم لدراسة العمارة, الامر الذي ساهم في زيادة اقتناع الطالب بضعف قدراته
و العقبة الثالثة تتمثل في عدم فهم الطالب للعلاقة بين الرسم بالبيد الحرة و التصميم,
هذه العقبات الثلاثة ساهمت في توجه الطالب نحو تهميش دور الرسم اليدوي الحر في العملية التصميمية

الابداع و مهارات الرسم اليدوي الحر:
ينقسم الابداع الى اربعة مستويات و هي:
المستوى الاول و هو نادر الحدوث جدا و هو مستوى المفاهيم الثورية الجديدة تماما
المستوى الثاني: يتمثل في عمليات ابتكار اساليب تصميمية جديدة او علاقات جديدة للوظائف او الاشكال
المستوى الثالث: يقوم المصمم بابتكار مداخل تصميمية او رؤى تصميمية جديدة design vision تهدف الى اعادة صياغة رموز او ظواهر معمارية
تقليدية او بناء صياغة جديدة لعلاقات تقليدية
المستوى الرابع: و هو المستوى الاكثر انتشارا, و فيه يقوم المبتكر بتحقيق الحلول المطلوبة لمشكلات تصميمية باسلوب نمطي او غير نمطي و لكنه يحقق حل لمشكلة تصميمية اساسا.

و ما علاقة هذا بالرسم الحر ( free hand)؟؟؟؟
يقول الدكتور صادق احمد صادق سعد المحاضر في كلية العمارة و التخطيط بجامعة الملك فيصل ففي الدمام في مجلة الامارات للبحوث الهندسية العدد التاسع:
يعتمد الرسم على الرؤيا المستقبلية الواضحة (clear vision) و هو يعتمد ايضا على التفكير, و التفكير بدوره يبني و يحقق القدرة على الفهم, فالرسم بذلك لا يمكن فصله عن النظر او التفكير
فالرسم هو نقطة البداية الهامة لمنظومة العمليات التي يطلق عليها تصميما, فالرسم له وظيفتان:
اولا:يسمح للمصمم بتسجيل و تحليل امثلة موجودة
ثانيا:يعطي الكروكي المرسوم الوسط لاختبار بعض العناصر التخيلية

و في عنوان اخر من عناوين ورقة العمل, تم ذكر كيفية التغلب على معوقات الخوف من الرسم عند الطالب من خلال سياسات تعليمية, و هي:
1-تحويل الرسم الى عمل منظم و مخطط
2-تحديد مهارات الرسم اليدوي الحر, في مجموعة من المهارات مرتبة تصاعديا و هي: التقليد و التناول و التدقيق و التنسيق و التطبيع بهدف التعامل معها بفاعلية اكبر
3-زيادة رقعة اهداف الرسم اليدوي و عدم قصرها على الجماليات البصرية حيث ياخذ الرسم اهداف اعلى في المستوى الفكري (higher in rank) و اداة تصميمية و ليس كهدف بحد ذاته
4-تحديد انواع الرسم اليدوي و فصلها عن بعضها البعض
5-تحويل المحور التعليمي لبناء و صقل مهارات الرسم اليدوي الى محور تعليمي خفي و غير ظاهر للطالب
6-التعلم بالتجربة و السماح للطالب بهامش من الخطا و خصوصا في المراحل الاولية من البرنامج التعليمي

كيف تنمي مهارة الرسم الحر؟
يعتمد الرسم الحر على الابصار الواضح, و الابصار الواضح يحتاج لتفكير متعمق و التفكير المتعمق يبني فهما حقيقيا للموضوع المطلوب رسمه,و
بالتالي يمكن تنمية مهارة الرسم الحر من خلال مرحلتين جوهريتين, وهما
بناء المهارة البصرية,, ثم صقل المهارة البصرية

اولا: بناء المهارة البصرية: و يتم من خلال:
1-مهارة المشاهدة و الملاحظة البصرية:visual observation

2-مهارة الادراك البصري: visual preception
الادراك البصري ليس عملية تلقائية للعين, بل يتدخل العقل و مجموعة من العناصر الذاتية للمشاهد للتاثير عليها, و بذلك تتطور عملية الادراك البصري كلما تطورت المعارف لدى الطالب, و كلما زادت ذاكرته البصرية

3-مهارة الفصل البصري: visual discrimination
و هي مهارة فصل العلاقات او الانماط البصرية المتشابكة عن بعضها البعض, او فصل المفردات المعارية او العمرانية عن الوسط المحيط للتعرف على خصائصها بشكل مفرد و التعرف على العلاقات و الانماط و بين اللمفردات و التراكيب و بعضها ببعض

4- مهارة الاتصال البصري:visual communication
و هي عملية مراجعة العمل و قيام العقل بالمراقبة و التحكم اثناء قيامه بممارسة الرسم اليدوي الحر و التشكيل او التركيب البصري

5-مهارة التحليل البصري:visual analysis
و تعتبر من المهارات الحرجة و المهمة critical في التعرف على مفاهيم بناء العلاقات و الانماط البصرية في المبنى و البئية المشيدة, و هذه
المهارة تعتمد الى ادارة منهجية من العقل ليرتب منظومة عملياتها و يحدد اهافها الاستراتيجية او المرحلية
و بالتالي تمثل هذه المهارة المرحلة التي يتم فيها ربط الذاكرة البصرية بالمخزون العقلي

المواد الدراسية في تالتة عمارة (بالتفصيل)

المواد الدراسية في تالتة عمارة (بالتفصيل)

ثالثة عمـــــــارة ( مش صعبة لكن فيها شغل كتيرـ

الترم الأول :- 6 مواد ( تصميم معمارى - تصميمات تنفيذية - ميكانيكا التربة soil - تخطيط - تاريخ العمارة )

أولا التصميم المعمارى ... أكيد مش هعرفكوا يعنى ايه ديزين ... كلكوا عارفينه طبعا بس اللى ممكن أقوله
ان البرنامج بتاع المشروع بيبقى مش زى السنتين اللى فاتوا ورقتين وخلاص .. اللى بيحصل ان المشروع بيبقى أكبر شوية من المشاريع القديمة ودى حاجة طبيعية و موقع المشروع بيبقى محدد وبيقولكوا مكانه فين .. والمفروض تعملوا دراسة ميدانية للموقع فى البحث اللى بيتسلم أول المشروع ودة فى حالة اذا كان أرض المشروع فى القاهرة أو قريبة يعنى لكن لو بعيدة مش مهم الميدانى .. جوجل ايرث موجود ...
بيبقى فى 3 مشاريع ... أهم حاجة الحضور والتسليم كل مرة وصححوا مع المعيد أو الدكتور اللى معاكوا فى السكشن حتى لو كنتوا مش مقتنعين بيهم وصححتوا مع حد غيرهم بس عشان أعمال السنة ... يعنى ممكن تلاقى واحد عنده مشروعين كبت وامتياز وفى الاخر مش بيجيب درجة كويسة ودة اللى حصل معايا .. بسبب أعمال السنة .. وممكن تلاقى حد بيجيب جيد بس وبيحضر كل مرة وبيصحح فى السكشن بتاعه وجايب زيه أو ممكن أكتر منه كمان ....
المادة من 300 درجة ... 180 أعمـــال السنة و 120 امتحان الفاينال

ثانيا التصميمات التنفيذية :- أكتر مادة بتحتاج مجهود كبير ... طول السنة بتسلموا 6 مراحل كلك فى المشروع اللى بتاخدوه ..
المرحلة الاولى : مرحلة المساقط الافقية
المرحلة الثانية : مرحلة الواجهات والقطاعات
المرحلة الثالثة : مرحلة الموقع العام
المرحلة الرابعة : مرحلة أعمال الاضاءة والأعمال الصحية
المرحلة الخامسة : strip seection
المرحلة السادسة : مرحلة التفاصيل details
( فى أخر السنة بيتسلم المشروع كله على بعضه )

وكل سكشن بيبقى معاكوا شفافات فيها الشغل بتاعكوا واللى بتعدلوا عليه لحد ما يجى وقت تسليم الكلك ....

أعمال السنة 180 درجة بتتوزع على الحضور وتصحيح الشفافات كل مرة ... مرحلة الكلك اللى بتتسلم ... 2 امتحان ميد ترم ... المشروع لما بيتسلم على بعضه فى الأخر .... بحث و دة بيبقى مهم وبيكون عن مبنى متنفذ و ماكيت

محدش يعرف ايه عليه درجة أكتر من ايه من الطلبة وكل شوية هتلاقى حد يقول حاجة غير التانى اللى يقول الكلك عليه درجة أكتر من الشفاف واللى يقول أهم حاجة اسلم المشروع كامل فى الأخر ... بس الحقيقة أن كل حاجة فى الحاجات دى مهمة وكل حاجة بتكمل التانية ولازم نركز على كل حاجة ...

المادة اسمها تصميمات تنفيذية ...... يعنى الموضوع فيه ديزين شوية بس منركزش على الديزين وازاى نغير فى المشروع ونسيب الغرض الاساسى اللى هو التنفيذيــــة

كمان فى حاجة مهمة لازم نركز عليها ... لازم يكون المشروع كله مترتبط ببعضه يعنى المساقط مرتبطة بالساكشن مرتبطة بالواجهات والتفاصيل و كدة .. يعنى مثلا بعد ما تكون عملت البلانات وتيجى مرحلة الواجهات تلاقى ان انت عايز تعمل حاجة فى الواجهة زى مثلا سلاح ... والسلاح دة انت مش عامله فى البلان كدة المشروع مش هثيبقى مترابط .. مش معنى كدة منعملش السلاح ... لا نعمله بس نبقى نعمله كمان فى البلان
مثال تانى بردو للتوضيح ... أما تيجى مرحلة التفاصيل .. تفتكر ان انت عايز تعمل تفصيلة مافورة مثلا .. وانت مش عاملها لا فى البلان ولا فى السكشن ... طبعا لما المشروع يتسلم على بعضه فى الأخر دى هتبان ...
اللى انا عايز أقوله اننا نفكر فى المشروع كله على بعضه مش كل مرحلة وحدها يعنى فى مرحلة البلانات مش نسلم البلان من غير أى تفاصيل ... ونيجى فى مرحلة التفاصيل منلاقيش فيه حاجة نعملها ...
دكنور المادة د/ياسر لطفى .. هيدخلكوا 3 أو 4 مرات طول السنة ود/ ألفت هى اللى بتقوم بالمادة مع باقى ال stuff
المادة من 300 درجة 180 أعمال السنة و 120 امتحان الفاينال
يارب أكون قدرت أوضحلكوا الموضوع ....


ثالثا تخطيط المدن : من 150 درجة 60 أعمال السنة على الغياب و المشروع اللى انتوا هتعملوه ..
انا هتكلم عن المشروع اللى احنا اخدناه ... مش عارف انتوا هتاخدوا مشروع ايه ..
احنا اخدنا مشروع عن العشوائيات فى منطقة حلوان وازاى نحل المشكلة دى طبعا مش كل الجروبات هتنزل فى نفس المكان فبيقسموا المنطقة على الجروبات .. وكل جروب بياخد كام شارع ويعمل دراسة ميدانية عليه ويشوف ايه المشاكل اللى فى المنطقة وازاى يحلها ...
وبيبقى فى متابعات مع الدكتورة طول الترم بتتسلم و عليها درجات .

رابعا تاريخ العمارة :- من 100 درجة هتاخدوا تاريخ العمارة الاسلامية وهتعملوا زى ما كنتوا بتعملوا السنين اللى فاتت بالظبط ... مفيش جديد ... ركزوا على مرحلة التعارف لازم تبقى كويسة وبريزنتيشن كويس .... دة لو كان معاكوا

م/أحمد صالح مش عارف هيبقى هو ولا لا ....ترتيب الجروب بيفرق كتير ..

خامسا اختيارى 1 : التشكيل الفراغى أو التصميم البصرى .. الاتنين أسهل من بعض .. أنا كنت واخد تشكيل فراغى وعشان كدة هتكلم عليها أكتر أما بالنسبة للتصميم البصرى بردو هتكلم عليها من خلال اللى كنت بسمعه من الناس اللى كانوا بياخدوها

أولا التشكيل الفراغى .. وهتديهلكوا د/ راندا حسن ودى مادة بسيطة بتبقى حوالى 7 محاضرات طول الترم ...

الاول بتدرسوا فيها الاشكال الهندسية وعلاقتها ببعض وازاى بتأثر على التصميم وبعد كدة بيبقى فى محاضرات بتعرض فيها الدكتورة أمثلة متطبق فيها الكلام دة على مستوى المبانى والمناطق والشوارع و كمان هتديكوا كل المحاضرات powerpoint ومش بتهتم بالغياب أوى كمان ... والمفروض انكوا تعملوا بحث صغير عن المحاضرة طول السنة يعنى أى ورقتين تلاتة وتطبعوهم الصبح عند الأنصار ولا أرت .. وظبطوا البرزينتشين شوية ومش مهم الداتا ... هي بتحب كدة وعن خبرة ... والمفاجأة الكبرى أن اللى كان بيسلم البحث كل مرة فى ميعاده بياخد 10 ... وبيلاقى نفسه جايب الدرجة النهائية فى أعمال السنة ... لكن اللى بيسلم البحث متأخر بينقص درجة أو درجتين بالكتير يعنى بيجيب 8 أو 9

والامتحان فى المادة دى بيكون سهل جدا جدا .... أنا جبت فيها 100 من 100 و معظم الجروب بتاعى وكام حد من الدفعة كدة ... برغم ان انا مسلمتش غير أول بحث بس ... لكن انا عملت بحث تانى كان كبير و فى المادة كلها فى أخر الترم ودة مكنش مطلوب ولما وريته للدكتورة فرحت أوى وقالتلى دخل معاك جروب وزود فيه حاحات أكثر وطبعا باقى الجروبات بدأوا يعموا زينا وقعدوا يدعوا عليا عشان أنا كنت السبب مع انها مطلبتش منهم يعملوا حاجة .. .. ودة بيدل على انها طيبة وكريمة أوى فى الدرجات

طبعا عرفتوا هتختاروا ايه ...

ثانيا التصميم البصرى .. د/منى (يارب أكون قلت اسمها صح عشان مش فاكر ) معظم اللى كانوا داخلين المادة دى اللى هما بيرسموا فرى هاند كويس ... لان هما بيعملوا اسكتش طول السنة وبيرسموا وبيلونوا فيه وحاجات كدة وكل مرة بياخدوا درجة وكنت بسمع منهم ان دراستها قريبة الى حد ما من التشكيل الفراغى وجابوا بردوا درجات كويسة بس تقريبا محدش عدى 90 من 100 على عكس التشكيل ... وسمعت ان الترم التانى الدكتورة قالتلهم متزعلوش من النتيجة ( هى مكنتش وحشة .. بس بالمقارنة مع التشكيل كانت وحشة

سادسا ميكانيكا التربة والاساسات soil (د / عبد العزيز بندق ) من 100 درجة

زيها زى مواد مدنى اللى خدناها فى عمارة سواء خرساتة أو استركشر بيبقى فيها أمتحان ميد ترم و الامتحان بتاعها

بيتكرر فى السنين اللى فاتت ... وفى شيتات بتتسلم ... وعلى فكرة د / بندق دة طيب جدا وبيدى الناس كلها درجات بس هو بيحب يتظاهر سعات انه شرانى بس بتبقى مش لايقة علي.

 

المواد الدراسية في ثانيه عمارة (بالتفصيل)

المواد الدراسية في ثانيه عمارة (بالتفصيل)

 

تانيه عماره

تانيه عماره الصراحه ليها مميزاتها وعيوبها

اولا هتدرسوا فى كل ترم 6 مواد منهم ماده واحده ممتده وهى التصميم المعمارى

بعد كده كل ترم فيه 5 مواد

الترم الاول

الانشاء المعمارى: دكتور احمد والى

طبعا غنى عن التعريف وبيبقى ترم واحد ونظامه بتاخده المحاضره وبعد كده السكشن وبيبقى فيه بحث بتتكلفوا بيه وبيتسلم اخر الترم وفى الغالب الدكتور هيناقشه معاكوا وده حاجه على فكره لازم تتعودوا عليها من السنه ده فى الابحاث

نظرييات العماره : دكتوره زينب ودكتوره سحر

وده بقى ماده لذيذه بتدرسوا فيها الاسس التصميميه للمبانى المختلفه وانواعها وخصائها مثلا المسارح المكتبات والمستشفيات.... الخ وبيبقى مطلوب منكم اسكتش بتجمعوا فيه كل المعلومات اللى بتاخدوها فى المحاضرات والمعلومات الزياده اللى بتجمعوها سواء من المكتبه او النت وطبعا مدعم بالصور وهما بيقولوا على نظام التصيحيح وكده

العلوم الانسانيه فى العماره دكتوره سحر

فى كلام بيتشرح فى المحاضرات والسكشن بقى هو اللى فيه الشغل بتاع البحث ومعاكوا معيده بتابعه والبحث بيبقى اختار مبنى وعمل تقييم اداء ما بعد الاستخدام عليهوده هتفهموه من المحاضرات وهتعملوا زيارات ميدانيه وكده وهى ماده خفيفه وحلوه

الخرسانه المسلحه : دكتور نصر

ده بقى ماده من مدنى وبيتهيالى انتوا عارفين مواد مدنى لازم شغل وتدريب وبرضه محاضره وسكشن نفس نظام الاستركشر

تركيبات فنيه وصحيه : دكتور محمد عبد الرحمن من باور ودكتور مش فاكره اسمه من مدنى

والماده ده برضه خفيفه ولذيذه ومذاكرتها بسيطه بتبقى المحاضرات مره فنيه ومره صحيه وده الحمد لله هى والخرسانه مفيهمش ابحاثوبيبقى ليهم mid term

وده مواد الترم الاول

الترم التانى

تاريج العماره : دكتوره فاتن والبشمهندسه فاطمه

وبتدرسوا تاريخ مصر المسيحيه وبتعملوا زيارات ميدانيه للكنائس وكده وطبعا ده علشان البحث وهى نفس نظام اولى تقريبا مفيش فرق بس تانيه احلى من اولى بكتيييييير

تكنولوجيا العماره : دكتوره ناديه

وده ماده بتتكلم عن المعدات واساليب الانشاء وما الى ذلك وبيبقى ليها بحث برضه اختيار منشأ وتطبيقى المعايير عليه

الصراحه ماده حفظ مهما حاولت تركز فى المحاضره هتحس برضه انك مجمعتش حاجه

تاريخ ونظريات التخطيط : ده مع اربع دكاتره هتعرفهوم بعد كده

الاول بتدرسوا الحضارات وتاريخ انشاء المدن وما الى ذلك وفى الاخر بتاخدوا نظريات التخطيط

وماده لذيذه للى يفهمها كويس ويركز فى المحاضرات بالذات محاضرات دكتوره نهى بتبقى حلوه اوى

وبيبقى فيها ابحاث بسيطه

التحكم البيئى : دكتور شريف البنانى ودكتور ممدوح زكى

برضه ماده لذيذه بتدرسوا فيها المؤثرات المختلفه على تصميم المبنى زى اشعه الشمس ودرجات الحراره والرياح ... الخ

وفى الاخر بيبقى فى بحث برضه

تطبيقات الحاسب الالى :

كمبيوتر نظامه زى اولى برضه هتدرسوا برنامج ال3dmax و photoshop

وبيبقى فيها بحث عن برنامج الماكس وبيتسلم فى الاخر برضه

يعنى من الاخر سنه تانيه 3/4 شغل المواد ابحاث ومناقشه ابحاث يعنى لازم تهتموا اكتر بالابحاث علشان اعمال السنه بتبقى اكترها عليها

وبس يا رب اكون قدرت اوفى استفسارك وان شاء الله لو افتكرت حاجه تانى هقول عليها ان شاء الله

وربنا يوفقنا جميعا الى ما فيه الخير

عيوب الهندسة المعمارية (قسم عماره)

عيوب الهندسة المعمارية (قسم عماره)

1- أيام تسليم المشروع .. لازم تكونوا موجودين فى الكلية لحد الساعة 12 أو 1 أو 2 بالليل لو تطلب الأمر ويوم التسليم نفسه ممكن تباتوا فى الكلية ودى ممكن تكون مشكلة للبنات يعنى لازم يكونوا عاملين حسابهم على الموضوع دة من قبل ما يدخلوا .... وعلى فكرة أيام التسليم دى بتكون كام يوم طول السنة يعنى مش كل يوم ..
وبعدين عادى جدا أحنا معانا بنات كتير فى القسم وبيتصرفوا فى المواضيع اللى زى دى .. يعنى ممكن يجيلهم حد من أهلهم مثلا ....
2- وقت امتحان الديزين بيكون 8 ساعات ودة مش عيب أوى لان محدش بيحس بيهم وبنبقى محتاجين وقت زيادة كمان .... بيعدوا زى الهواااااااافى الأخر .... نصيحة منى ....
كل اللى بيفكر انه يدخل قسم عمارة ومتردد ... ميقلقش خاااااااالص ... لانه بجد من أجمل و أفضل الأقسام ويدخل وهو مطمن

مزايا الهندسة المعمارية (قسم عمارة)

مزايا قسم عمارة

1- الدراسة عندنا فى قسم عمارة بتكون فى جروبات ودى من أهم الحاجات اللى بتميز القسم يعنى انتوا من أول ما هتتدخلوا القسم هتبدأوا تعملوا مجموعات كل مجموعة بتكون 10 طلاب ودة بيفيدنا فى تبادل الخبرات مع بعض وكدة ومعظم الأبحاث بتكون جماعية يعنى للجروب كله وبتتجمعوا مع بعض وتعملوا كل الحاجات اللى هتتسلم .
2- مفيش عندنا كتب والدراسة بتعتمد على البحث العلمى يعنى هتجيب المعلومة بنفسك ودى سهلة ... النت دلوقتى مليان داتا وعندكوا مكتبة الكلية .. انا عارف يمكن مدخلتوهاش من زمان بس لازم تحاولوا تحبوها ...
3- المواد عندنا معظمهعا سهلة أو كلها تقريبا ... وتتحب يعنى ومش فيها حاجات خنيقة وكدة يعنى الحياة حلوة ... وهتشوفوا بنفسكوا ...
4- أيام الأمتحانات مفيش تعب وكدة زى باقى الأقسام يعنى مثلا لو جينا نبص للترم الأول فى أولى عمارة هنلاقى ان هما 3 مواد منهم مادة مش بتتذاكر لانها بتعتمد على خبراتك طول الترم اللى هيا الحاسب الألى يعنى بتعرف أتوكاد هتعرف تحل ... وكله بيعرف محدش يقلق .... والمادتين التانين أسس تصميم .. ودى سهلة جدا والتانية استركشر ودى بردو مش صعبة ..
5- العلاقة بين الطلبة والدكاترة بتكون قوية ودة بيرجع لان الدكتور بيبقى مع الطلبة طول السنة وبيقعد معاهم يعدلهم على التصميم بتاعهم وفى لكل سكشن دكتور فى التصميم المعمارى ...
6- العلاقة بين الطلبة مفيش أحسن منها ودى عشان روح التعاون الموجودة فى القسم ... وفى حاجة كمان بتقرب كل الطلبة من بعض ( يوم العمارة ) واليوم دة بنعمله كل سنة فى أخر الترم التانى وبنعرض فيه كل الأعمال المميزة اللى تعملت طول السنة فى المعرض الموجود فى الدور الأرضى من مبنى عمارة وبيكون موجود فيه رئيس الجامعة والعميد ورئيس القسم و بيتعمل فيه حفلة كبيرة فى المسرح ...وطبعا بيتجمع الطلبة من الأربع دفعات 1.2.3.4 عشان يحضروا للحدث العظيم دة ..
7- على مستوى العمل بعد ما بنتخرج ... مفيش حد مش بيشتغل باذن الله والارزاق دى حاجة بتاعت ربنا

المواد الدراسية فى اولى عمارة (بالتفصيل)

المواد الدراسية فى اولى عمارة (بالتفصيل)

1- تصميم معمارى .... وفى المادة دى هناخذ مشروع أو مشروعين طول السنة والمشروع الأول عادتا بيكون فيلا .. يعنى كل واحد هيصمم فيلا وهيتابع مع المعيد والدكتور اللى عنده فى السكشن بتاعه .. وهيفضل يعدل عليها كتير لحد ما يوصل لأفضل تصميم قبل تسليم المشروع وممكن يلجأ للطلبة الأكبر منه سنا عشان يساعدوه .... ودى أهم مادة عندنا وألذ مادة عندنا ... يعنى مش صعبة خاااالص بس بتحتاج وقت وتفكير كتير . ...(المادة من300درجة)

2- ظل ومنظور..... والمادة دى هنتعلم فيها نرسم القطة فى الثرى دى للمبانى عن طريق تهريب النقط ودى بردو مادة مهمة ولذيذة ولازم نكون متابعين فيها كويس فى المحاضرة والسكشن عشان محدش يوقع و نسلم كل اللوح فى مواعيدها ...(المادة من 250 درجة)

3- انشاء معمارى .... المادة دى بنتعلم فيها شوية حاجات خاصة بتنفيذ المبانى أو النظام الانشائى بتاع المبنى وبنتعلم نرسم النظام الانشائى دة ... ونركز بردو ان احنا نسلم اللوح والأبحاث فى مواعيدها .. عشان دى بتفرق كتير فى الأخر فى الدراجات (المادة من 250 درجة)

4- أسس تصميم .... المادة دى من المواد المهمة وبتتعلموا فيها أسس وقواعد التصميم المعمارى ( واضح من اسمها طبعا ) .... ودى بتفيدكوا جدا فى مادة التصميم المعمارى وعلى فكرة يا جماعة كل المواد عندنا تقريبا مرتبطة ببعضها (المادة من 100 درجة)

5- تحليل انشائى ..(structure) .... تحليل انشائى المقصود بيها تحليل القوى اللى بتأثر على المنشأ أو المبنى اللى احنا بنعمله ... يعنى هنحسب القوى اللى بتأثر على المبنى بالأرقام (المادة من 100 درجة )

6- الحاسب الألى فى العمارة ... وهندرس فى المادة دى برنامج autocad 2d ) وطبعا البرنامج غنى عن التعريف ( المادة من 150 درجة
وده المواد اللى هتدرسوها في الترم الاول

على فكرة .... الترم الأول هتمتحنوا 3 مواد بس اللى هما ( أسس تصميم وتحليل انشائى و حاسب الى ) ودى المواد النظرى .
باقى المواد .. هتكون معانا فى الترم التانى ( ممتدة ) ودى مواد رسم .

نيجى بقى للتلات مواد اللى هيجوا بدلهم فى الترم التانى :-

7- المساحة المستوية .... مادة من أسهل ما يمكن ... وكلمة المستوية دى يعنى احنا هنا هنتكلم عن المساحة فى بعدين وعلى فكرة فى أنواع تانية للمساحة بس دى مش هندرسها بالتفصيل أو مش هناخد عنهم غير تعريف زى المساحة الجيوديسية أو الطبوغرافية ... ( المادة من 100 درجة )

8- خواص ومقاومة المواد بندرس فيها مواد البناء والاختبارات اللى لازم تتعمل عليها قبل عملية البناء يعنى حديد و ركام (رمل وزلط) و اسمنت (المادة من 100 درجة)

9- تاريخ العمارة ... واضح من اسمها ان احنا بندرس فى المادة دى العمارة على مر العصور وفى أولى بناخد العمارة الفرعونية يعنى قبل الميلاد ( بناة الأهرامات ) وهتتعرفوا على كل المبانى اللى كانت فى عصرهم وفى تانية بندرس العمارة المسيحية وفى تالتة العمارة الاسلامي والمادة دى بتعملوا فيها بحث طول الترم بيتسلم على كذا مرحلة لحد يوم التسليم النهائى ( المادة من 100 درجة )

مجلات عمل المهندس المعمارى

مجلات عمل المهندس المعمارى

عمل المعماري أولاً : في القطاع الخاص ( على سبيل المثال : المكاتب الاستشارية ، مقاولات ، شركات بناء ، شركات الاستثمار ) أو القطاع الحكومي ( معظــم الجهات الحكومية ) بالوظائف التالية

مصمم داخلي

مصمم حضري

مصمم معماري

منسق مشاريع

مخطط مشاريع

مصمم مواقع


ثانياً : في قطاع التعليم والبحث العلمي (جامعة الكويت ، معهد الكويت للأبحاث العلمية ، مؤسسة الكويت للتقدم العلمي )

1- باحث في تكنولوجيا البناء

2- باحث في حفظ وصيانة المباني التاريخية

3- باحث في حفظ وتوفير الطاقة في المباني

4- باحث في استخدام الكمبيوتر في مجال العمارة

5- باحث في المجالات الأخرى والتي تتعلق بالعمارة والإسكان والتشييد

6- باحث بالبيئـة