ما هى امكانيات القسم؟

 ما هى امكانيات القسم؟

1- طقم تدريس هايل جدا

2- معظم الدكاترة واخدين الدكتوراه من بره فالعلم اللى بناخدو مبيكونش عن الامكانيات الموجودة هنا بس لا دى بتبقي على مستوى العالم والعلم وصل لايه في المجال ده لحد دلوقتى
3- المعامل كويسة جدا وبتيح فعلا فهم المواد بطريقة بسيطة جدا بس اهم حاجة المتابعة ومتفوتش ولا معمل والمعيدين الحمد لله كفاءة

4 - التعامل بين الطلبة والدكاترة والمعيدين كويس جدا زى فعلا زى الاب وولاده وده مهم جدا في سهولة استقبال العلم

5 - الدراسة في القسم سهلة وبديهية لأى حد متابع واللى مش متابع بينجح بمادة ولا حاجة ومع ذلك بيبقي عنده خلفية كويسة عن المواد وفي الشغل التقدير ده من اواخر الحاجات اللى بيتبصلها لان ممكن الواحد يكون اصلا مدبلر سنتين فالكل يقول ده ملوش في حاجة وهيقعد في بيتهم وتلاقيه كان بيتدرب كويس في الصيف ولما يدخل الانتر فيو تلاقيه بيأدى وشغال كويس جدا احسن من اللى جايب امتياز بس كان بيقعد في بيتهم في الصيف وميعرفش يعنى ايه موقع ويعنى ايه تعامل مع العمال