تعريف القسم واراء بعض الطلاب الخريجين من هذا القسم (هام)

تعريف القسم واراء بعض الطلاب الخريجين من هذا القسم (هام)

كتبه مهندس حامد خريج المطرية 2009

أزيكم يا جماعه

كيف حالكم؟

أتمنى ان تكونوا فى أحسن حال

النهارده هندردش شويه ومعلومات سريعه كده عن قسم سيارات لكل من يريد ان يلتحق به

نبذه عن قسم سيارات

1-قسم بياخد أقل مجموع فى تنسيق الاقسام بجامعة حلوان(39%)

2- قسم يتم قبول الطالبين الراسبين بماده أو مادتين من الناجحين بالفرقه الاعداديه

3- القسم الذى يقوم بتخريج الميكانيكى المصرى 

كل هذه الانطباعات وأكثر منها تسمع عنها وتشعر بها عندما تقوم بأختيار القسم التى تريد الالتحاق به

هذه الانطباعات التى كنت أسمعها عندما كنت بدرس فى الفرقه الاعداديه واريد الالتحاق بهذا القسم

العظيم

وفعلا صدق المثل الذى يقول (اللى يده فى الميه مش زى اللى يده فى النار)

يا جماعه اللى ميعرفش قسم سيارات المفروض يعرفه من خلال الموضوع ده

يعتبر قسم سيارات من أعظم أقسام كلية هندسه المطريه (جامعة حلوان)

قسم لايوجد الا فى ثلاث جامعات فقط

1-جامعة عين شمس

2-جامعة حلوان

3-جامعة المنيا

وأسأل اى توكيل فى مصر عن قسم سيارات المطريه

القسم الدراسه فيه سهله جدا جدا

وتعرف تجيب فيه تقدير بسهوله جدا اهم الحاجه التركيز على الهدف اللى انت عايز تحققه عن التحاقك

بهذا القسم

دكاتره على أعلى مستوى ويتميزون بسعة الصدر عن الاستفسار عن أى شئ غير مفهوم أو تكنولوجى

جديد عن اى جزء فى السياره ومتميزون جدا جدا فى شرح المواد العلميه

ليس هذا وفقط ستجد لدينا كل ما يسرك 

ستجد المعيدين المتميزين الرائعين بحق

لتريح نفسك من الكورسات ومشاكلها

فرص العمل عن التخرج رائعه

والحمد لله ان مفيش حد بيتخرج كل سنه الا القليل من القله تلاقيهم بيدوروا عن الشغل

يعنى بمعنى أصح الدفعه مبتقعدش وذلك لحاجة سوق العمل لذلك

أول تعيين بأذن الله يتراوح ما بين 900 الى1000 جنيه مصرى على حسب علمى

وتتزايد مع السنوات التاليه لزيادة الخبره

انا داخل قسم سيارات عن حب وأقتناع تام وبعد الماشوره طبعا مع انى كان مجموع يؤهلنى لاى قسم

فى الجامعه بأسرها حيث انى كنت حاصل على تقدير جيد جدا بنسبة 81 %

بجد قسم ممتع وانصحكم تلتحقوا بيه بسرعه

و لكن هناك اسباب جعلت من ان يكون القسم الاقل في التنسيق منها :

  لا تقدم الفتيات على دخول هذا القسم .... و بالطبع عدد الفتيات فى الكلية كبير .... فعندما تجد ان جميع اقبالهن على جميع الاقسام عدا قسم ميكانيكا سيارات ... فهذا سبب مباشر ليكون القسم اقل الاقسام من حيث التنسيق ... لعدم اقبال الفتيات عليه ... و انا شخصيا اعتبر ان هذه ميزة ( خصوصا لما يعرف عن الفتيات بتفوقهم و تألقهم فى المذاكرة  )

 و السبب الثاني هو الاعتقاد الخاطئ لدي الكثير من شباب الكلية بأن هذا القسم غير رائج في سوق العمل ... و يحصر عملك في مجال واحد فقطالا و هو السيارات .... و بالتالي يقل عدد المتقدمين بدخول القسم ... فيكون صاحب اقل قيمة للتنسيق من حيث الشباب

و طبعا بما انه صار صاحب اقل قيمة من حيث التنسيق .... فستجد في القسم كل من كان لا يملك يدا في اختيار القسم الذي يحلم به لتقصيره في دراسته في الفرقة الاعدادية ... سواء كان معه مواد او صافي و لكن مجموعه اقل من باقي الاقسام

و لكنك ايضا ستجد من هم دخلوا القسم برغبتهم و تجاهلوا عدم اقبال الناس عليه .... فالعيب ليس في القسم ... بل في الظروف المحيطة به

و زي ما قال البشمهندس حامد ... القسم من اقوى اقسام الجامعة و ..... لن اكرر ما قاله

بل احب ان اضيف ميزة لن تجدوها في اي قسم اخر .... سواء كان هندسة بترول او هندسة انتاج او هندسة اتصالات او ....

هذا هو القسم الوحيد الذي يطلب فيه سوق العمل مهندسين حديثي التخرج ... و حقا تتوافر به فرص العمل كثييييرا

و دفعة خرجين هذا العام ... هي دفعتي فى الاصل ... و ماشاهدته يحدث بين اصدقائي ... جعلني احمد لله و اشكر فضله على دخولي هذا القسم ...

فصديقي خريج هندسة بترول القاهرة ... ما زال حتى الان يبحث بين الشركات عن عمل ... و لا يجد لأنهم يطلبون الخبرة

و هذا خريج اتصالات ... و لا يجد ... لأنهم يطلبون الكفاااااءة اولا بالأضافة الى الخبرة

و انظروا الى دفعة هذا العام من قسم سيارات هندسة المطرية ... اتخطفوا في السوق ... الا قليلا ممن عندهم ظروف ... كالجيش مثلا

و ربنا يوفقنا جميعا للخير دائما .... و يا ريت محدش يقتنع بالكلام اللي بيتقال ده ....  ... عايزين العدد يكون قليل السنة دي في القسم ... فهذه ميزة كبيرة جدا ... و لله الحمد

...............................................................................................................................................................

بسم الله الرحمن الرحيم

السلامو عليكم و رحمة الله و بركاتة

انا عن نفسى فى هذا القسم العظييييييييم ده , و رايح 2

و بجد القسم ده جــــــــــــــــــــــــــــامد جدا و مش واخد حقه بين الطلبة اللى مايعرفهوش

بس ماننساش انه واخد حقة عند جميييييييع التوكيلات و مراكز الصيانه زى ماقال المهندس

يعنى بجد القسم ده جـــــــــــــــامد مستقبليا

و احنا طبعا كلنا بندور على حاجه تأمن لنا مستقبلنا

بوصوا انا مش هاقول اكتر من اللى ال بشمهندسيين قالوه

و اخيرا ,,,,

انا ارشح هذا القسم لكل طالب عشان انا شايفه قسم جامد 

و انا على فكره داخله عشان انا بحب السيارات , مش حكاية مجموع

انا القسم ده عشقي من زمان وكنت نفسي أدخله , بس العقبة الوحيدة اللي كانت قدامي إن مافيش تصميم سيارات في بلدنا

وصعب إني كنت أفكر أسافر فقررت أدخل ميكانيكا باور وبعدين أخد دبلومة في سيارات , هي طبعا مش هتبقى زي الدراسة في القسم

نفسه وهي دراسة ممتعة جدا , وشيقة , وكفاية إنك هتتعلم تكنولوجيا السيارات الحديثة ووداعا لـــ بليه 

بالنسبة لأسباب ضعف المجموع ما فيش أضافة عن اللي اتكتب وانا كنت جايب مجموع يدخلني كل أقسام الكلية برده

بس مش زي بتاع حامد ده اسمه دح 

المهم إن القسم ده رائع جدا , بس أكثر الي بيخشوه بسبب مجموعه القليل بيحسوا إنه اتظلموا

لكن لو ركزوا هيطلعوا بقيمة عالية جدا وفوائد مش هيعرفوها غير لما يتخرجوا من القسم

وخاصة إن القسم عندنا أحسن من بقية الكليات ( القاهرة - المنيا )

ولازم كان اللي داخلين القسم بمزاجهم يهمتوا ويعرفوا إنه محتاجة مذاكرة ومتابعة بس كده وهتلاقي المجموع

عايزين بقى تعريف بالقسم العظيم ده عشان تكمل موضوعك وتكتب المواد والدكاتره والمعيدين ,,,, سااااااااااااااااامع

مشكلة القسم ده الوحيدة بعد التخرج مش في الشغل نهائيا , لأن كل اللي أعرفهم مش قاعدين في بيوتهم

واللي مش لاقي شغل يبقى أكيد في الجيش ههههههههههههههههههه 

هي ده بقى المشكلة الأكيدة , لأن الناس ده من سمعتهم واحتياج الجيش ليهم دايما والوحد منهم بيرحوا ضابط في الجيش يعني 3

سنين أو على الأقل عسكري , وطبعا لما يبقى ضابط بيبقى في مجاله وهياخد خبره كمان , يا عيني على النصيب فايدة جوه

ه كلام مهندس اوتوموتيف_2 عن قسم سيارات (و الراجل طبعا استاذنا هنا في المنتدي و مش بيتأخر علينا في حاجة جزاه الله خيرا و خريج 2004 المطرية )

سيارات يا سادة يا كرام هو قسم يجمع ما بين الميكانيكا والكهربا والألكترونكس

ممكن نقول أن مهندس السيارات 60% منه مهندس ميكانيكا و40% منه مهندس الكترونيات وكهربا

طيب فهمنا معني أسم القسم

هندسة السيارات والجرارات

أقول لحضرتك

مهندس السيارات بيدرس الماكينات المتحركة على الأرض بكافة صورها وأشكالها

من أول العجلة والمتوسيكل لغاية الدبابات وكل القوات البرية علشان مننساش حد ويزعل مننا وحتى الطائرات (طبعاً أثناء حركتها على الأرض)

فكلمة سيارات معناها موش عربيات لأ معناها أشياء ميكانيكية تسير على الأرض

طيب القطارات والمترو

برضه من ضمن تخصص مهندس السيارات

وفيه ناس كان مشروعها مترو الأنفاق (حسابات قوى الجر وقدرة المواتير الكهربا وأنظمة الفرامل)

طيب المعدات الثقيلة تتبع مهندسي سيارات

الجواب أه

اللوادر والجرارات والأوناش وكل حاجة ميكانيكية بتتحرك عالأرض تتبع قسم هندسة السيارات

طيب أنت لييه قلت أنك 40% منك مهندس ألكترونيات وكهربا

الجواب

لأن المكونات الألكترونية والكهربية في معظم المركبات تصل بل وتزيد أحيانا عن هذا الرقم

طيب دا مجالات عمل مهندس السيارات ممكن تدينا فكرة عن نظام الدراسة في القسم

ممكن طبعاً

بص معايا حضرتك

في أولى وتانية بيدرس الطالب المواد الأساسية لمهندس الميكانيكا

رياضة فيزيا ثيرمو فلويد هييت خواص مواد علوم مواد تصميم أجزاء الماكينات

يعني تقريباً لغاية تانية بيبقى هوا وميكانيكا باور وإنتاج وطيران بيدرسوا نفس المواد

مع إضافة مادة كل تيرم من مواد السيارات

من أول تالتة بيبدأ التخصص

بيدرس كورسات كنترول وكهربا ومحركات إحتراق داخلى وتصميم أجزاء السيارات وديناميكا الجر والتربة وطرق وديناميكا مركبات ومعدات ثقيلة ومنظومات وثلاث أو أربع كورسات في صيانة وإصلاح المركبات

طيب بعد الجولة السريعة دي فيما يدرسه طالب سيارات ممكن تقول لنا الجو بعد ما يخلص عامل إزاي في شغل ولا الناس هتقضيها دورات ولا أيييه

بصراحة أنا لن أزيد على كلمة أحد دكاترة التصميم الميكانيكي قالها لواحد صاحبي كان محتار بين سيارات وباور

قال له يا بني المستقبل دلوقت لسيارات عدد الخريجيين قليل جدأ وسوق العمل مفتوح

ومن واقع تجربتي الشخصية مفيش حد أعرفه كمل 6 شهور من بعد ما إتخرج الا وكان شغال

مفيش مهندس سيارات بيقعد في البيت

................................................................................................................................................................

و ده تعقيب مهندس سيفين خريج سيارات 2008 المطرية

واعلم اننى محظوظ اننى دخلت هذا القسم الدى يزداد احترامى له يوما بعد يوم.

وسيارات يتميز بان طلابه يعشقون هذا القسم بسبب انه من الاقسام القلائل الذى يمتيز بالتطور و والتقدم المستمر

فاناها لذه فى حد ذاتها ومتعه انت تعرف الحديث وتدرسه باستمرار

وبص بالنسبه لصعب وسهل.. مفيش حاجة صعبه احنا اللى بنخليها صعبه.. مدام ذاكرت وفهمت واجتهدت هيبقى سهل بأذن المولى. اناصح الذى يدخله بأن اول سنتين ليس لهم علاقة كبيرة بسيارات لانك بتدرس زى باور وانتاج تقريبا نفس المواد ودكاترة معظمهم من خارج القسم. فا اولى وتانيه ليست سيارات الى حد ما . والصراحة لا يهمنى السمعة والكلام الذى يقال عن سيارات. لان كل هذا الكلام من اناس من خارج سيارات لا يعلموا اى شيئ عنا