تعريف بالمواد والدكاتره ( خاص بهندسة المطرية وهام جدا )
تعريف بسيط بالمواد والدكاتره
هندسه الانتاج
د عبد الرحمن موسي ود جمال شحاته
د عبد الرحمن بيدي في المحاضرات اما الدكتور جمال بيدي في السكشناو الورشه لو مفيش سكشن
الغياب مهم اوي عند د عبد الرحمن ود جمال بس بالنسبه للفهم فجهز حاجات تعملها في محضرة د عبد الرحمن علشان بصراحه
محدش كان بيفهم منه والكل كان بيحضر علشان الغياب وعلشان سعات كان بيعمل امتحان في بدايه المحاضرة
مجموع الدرجات 100 (20 ميدترم و10 شفوي و70 فاينل)
بس عموما هو 30 اعمال سنه و70 فاينل
علشان الدكتور عبد الرحمن سعات مش بيعمل ميدترم واحد بس بيعمل كذه امتحان في بدايه المحاضرات بس بينبه قبلها متقلقوش
وبعد كده بياخد المتوسط ويحطه درجه الميدترم
اما الشفوي او العملي بيكون في المعمل وبتمتحن في ورقه فيها سؤال وبيمر الدكتورجمال بيسال كمان سؤال
ومع ان الدكتور جمال دايما بينبه على ان في امتحان على المكن لكن
الامتحان غالبا بيكون في الورق بس بس ياريت يا جماعه تنتبهو مع دكتور جمال
لما بيشرح على المكن علشان ده هينفعكو اوي بعد كده
وعموما شرح د جمال كويس ولو انت مركز هتفهم منه كويس
كتاب الانتاج مهم انك تشتريه علشان فيه جدول سرعات الجير بوكس
وماكنيزمات مهمه انك تتابع مع الدكتور في شرحها تكتب الشرح عليها كمان
لانها لازم تيجي في امتحان الفاينل
المنهج عبارة عن 3 مسائل رئيسيه ونظري وغالبا الدكتور بيبدا المحاضرات بالجزء النظري
عموما المسائل هي الجير بوكس والتكلفه ودائرة ميرشنت
الكل بيقول ان اصعبها الجير بوكس لكن انا كنت شايفه انها سهله بس عايزه الي يفهمها
كل مساله من دول عبارة عن مجموعه من الخطوات والقوانين وكل خطوة
معتمده على قبلها ولازم تركزو في حلهم لان الدكتور عبد الرحمن بيحاسب على
الناتج النهائي
امتحان الانتاج عموما بيكون واضح وصريح بس مشكلته انه طويل اوي ولازم تكون حالل مسائل كتير علشان تلحق تخلصه كله
وهو التلت مسائل وسؤال نظري
نيجي للمهم الماده دي بتتذاكر منين
ورق البشمهندسه غاده هي معيده سابت الكليه من سنتين بس بتدي كورسات
وورقها حلو اوي ومنظم واشتغلت فترة كبيرة مع د جمال وعبد الرحمن وجامعه كل
افكار المسائل في ورقها
الماتريال
د سهير و ( د امال او د سعد عبد الوهاب)
الماتريال من اهم مواد الترم ده واكبرها
الدرجات مقسمه( 60 اعمال سنه و90 فاينال)
جزء الدكتورة امال او الدكتور سعد
وهو الجزء الاول من الترم وهو جزء شبيه بالاسترنس الي حد كبير يعني
الي مظبط استرنس الترم الاول ان شاء الله هيكون سهل عليه الجزء ده
اعمال السنه الجزء ده من 30 شامله الميدترم وشفوي والغياب طبعا
النظري فيه كتير او معظمه تقريبا نظري وفيه جزء بسيط مسائل بتيجي عليه غالبا مسالتين صغيرين في امتحان الفاينل
جزء الدكتورة سهير
هو الجزء التاني من الماده
واولا الدكتورة سهير دي دكتورة محترمه جدا وزووق جدااا وهي تقريبا الي
ماسكه الماده بس عدوها الاول والاخير الي مش بيحضرلها المحاضرات
يعني يا جماعه حتى لو تهاونت شويه وده مش محبذ يعني في الجزء الاول الجزء التاني ده بالذات لازم تحضروه
بتعرف الطلبه بالشكل الي بيحضر والي لا وبتفتكرهم يوم الشفوي
الجزء بتاعها في الاول هتحس انك مش فاهم حاجه بس لو ركزت معاها خطوة بخطوة هتفهم منها كويس
بس عيب المحاضرة انها بالبروجكتور وبتنيم شويه فحاولو تعدو ادامها وتركزو
علشان الجزء ده لازم تكون فاهمه علشان تحله وهو بيتكلم عن السبايك وخلكها
ونسب الخلط وكده
اما نهايه الجزء بتاعها فهو نظري بحت هتلاقوها هي شرحتهم كده في محاضرتين تلاته واعد انت احفظ شويه معتبرين كده
وامتحانات د سهير معتمده على الفهم يعني مش بتجيب المسائل اسطمبه لازم تكون حالل كتير وفاهم طبعا بغض النظر عن الجزء النظري
بس هي بتركز اوي على الكلامم الي بتقولو في المحاضرة
كتاب الماتريال
الكتاب مش بتطلبه في الشفوي زي بقيت الدكاترة بس هو مش سئ و
احسن حاجه انك بتابع معاها فيه وتكتب الملاحظات الي بتقولها علشان هي مش بتكتب محاضرات هي بتعرض الكتاب على البروجكتور
المحاضرات والسكاشن بتطلبهم في الشفوي وبتسالك منهم يعني اي ملحوظه او
اي كلام قالته وسجلته انت عندك بتبقى عايزة تشوفه حتى ولو ورق مقطع
وخرابيش
السكشن
بيديه المهندس سامي بتاع الاسترنس والدكتورة سهير بتحضر كل السكاشن وبتشرف عليه وبشوف غياب السكشن بنفسها حتى في الجزء الاول
المذاكرة من ورق المهندسه غادة بردو ورقها حلو في الماتريال كمان في ورق للمهندس سامي شارح فيه كويس
بس انا من راي افهم من الورق بس زاكر اساسا من المحاضرات والسكاشن
العملي
في اخر السنه في كم سكشن عملي مع المهندس سامي وبردو دكتورة سهير بتشرح فيهم
مهميييييييييييييييين جدااااااااااااااااااااااااااااااااااااااااااا
علشان اولا بتتسال عنهم يوم الشفوي
بيطلب منك ريبورت عن التجارب ونواتجها بتسلمو يوم الامتحان الشفوي
فلازم تحضر السكاشن دي وتابع التجارب بتتعمل ازاي وايه ادواتها وتسجل النتايج الي طلعت الحاسبات
او الماتلاب
وهو البرنامج الي هيتاخد في الكورس ده
د/ اشرف صلاح
اولا د اشرف م الناس المحترمه اوي والدكاترة الي قريبه اوي من الطلبه
ودايما على تواصل وبيسال عن السكاشن وبيهتم اوي لو السكشن ماتخدش وكده
بالنسبه للماتلاب
برنامج بسيط جدا جدا مقارنه مثلا بالفجوال بتاع اعدادي
انا سمعت ان اعدادي خدو ماتلاب بردو بس مش متاكده
بس عموما منهج اولى لو كان زي الي احنا خادناه عادي فهو بسيط جدااا وهتحس ان المحاضرات بسيطه اوي ومتقلقش هو ده المطلوب منك بس
شويه اوامر هيفضل الدكتور يعيد ويزيد فيهم وتخشو المعمل تطبقوهم عملي
على اخر السنه تلاقيهم بالكتير 20 30 امر احفظهم كويس واعرف تطبيقهم في السكشن وتمام اوي كده
اما بالنسبه لتوزيع الدرجات اعذروني ناسه تماما الماده من 100 ولا 150
اما امتحان الفاينل فهو من المحاضرات طبق الاصل بدون لف او دوران ومهم
اوي الامتحانات السابقه بتاعت د صلاح انا فاكرة على ايامي جابلنا تقريبا
امتحان السنه الي قبلها
فانشاء الله خير ومتقلقوش خالص من الماده دي
ليست هناك تعليقات:
إرسال تعليق