مواد الترم التانى لطلابة ميكانيكا باور الفرقة الاولى (بالتفصيل)
مواد الترم التانى لطلابة ميكانيكا باور الفرقة الاولى (بالتفصيل)
لغة انجليزية
50 درجة
ميد تيرم 15 فينال 35
بيبقى فية امتحان ميد تيرم
الحضور حسب الدكتور علية و لا معليهوش درجات
و المنهج عبارة عن ملزمة صغيرة
مادة سهلة جداااا مفيهاش اى حاجة
علم و هندسة المواد
100 درجة
اعمال سنة 30 درجة و فينال 70
بيبقى فية شفوى و ميد تيرم
الحضور مهم جداااااااا فى المادة دى عشان دكتور ياسر شبانة بيحب اويي الطالب الفاهم و مش هتفهم غير بالحضور
المادة سهلة و بسيطة و زى ما قلت اهم حاجة الحضور و كتابة المحاضرات
تحليل اجهادات
150 درجة
60 اعمال سنة و 90 فينال
فية ميد تيرم
دكتور شبانة و رأفت جاد الرب
المادة دى من الاخر احضروا لباشمهندس ياسر فى السكشن و جيبو الورق بتاعة و ذاكروا منة لانة بجد مسهل المادة اويي
احضروا برضة لشبانة فى المحاضرة
تطبيقات الحاسبات و البرمجة
100 درجة
40 اعمال سنة و 60 فينال
فية امتحان ميد تيرم و شفوى
الدكتور عرفة الغنيمى و دكتور خيرى
جزء عرفة سهل بس الدكتور رخم شويتين تلاتة
و جزء خيرى سهل اوييي و مضموووون جدااا بيديك كام برنامج تحفظهم و بيجيلك بالنص منهم
طبعا لازم تحضر لعرفة عشان بياخد غياب و اكتب المحاضرات عشان بيشوفها فى الشفوى
فية ورق لباشمهندس اسمة اسامة ذاكروا منة كويس اوييي
ديناميكا حرارية
150 درجة
اعمال سنة 60 درجة و فينال 90
اعمال السنة بتبقى شفوى و ميد تيرم و مشروع باور بوينت بيتعمل و علية درجات و فية كتاب فيه مسائل بتحلها و تقدمة
الدكتور هو ابراهيم الجيزاوى
راجل جامد اوي و شرحة كويس و هتفهم منة و المادة سهلة مش رخمة
المعيدين فية باشمهندس مصطفى احضر معاة هيجيب المفيد كلة
اهم حاجة فى المادة تذاكروا اسئلة الكتاب المحلولة لانهها بتيجى بالنص
و ذاكروا برضة من ورق مصطفى
ميكانيكا الموائع
150 درجة
60 اعمال سنة و 90 فينال فية شفوى و ميد تيرم
دكتور محمد حسين و التلبانى
مشكلة المادة انها طويييييييييييييييييييييييييلة بس لو ذاكرتها من الاول مش هتحس بكبرها خالص
يعنى مفيهاش صعوبة طويلة بس
المعيدين مفيش غير باشمهندس ايمن
ذاكروا من ورق باشمهندس ابراهيم بدوى هتلاقوة فى المكتبات بيبقى حالل الشيتات و مظبط المنهج اوي
حقوق الانسان
50 درجة
مش فاكر فية اعمال سنة ولا لأ بس المادة صغيرة فية دكتور من كلية حقوق بييجى و بيدى منهج كبيييير بس فى الاخر بيدى مجموعة اسئلة بتحفظوها و الامتحان مش بيخرج منها
و افتكر كان بياخد غياب فى المحاضرة
تقريبا المادتين اللى هتشتغلوا عليهم طول الترم هم تحليل الاجهادات و الفلويد لانهم اتقل مواد
و بعد كدة الثرمو او الديناميكا الحرارية سهلة بس فيها شغل كتير و الماتيريال يعنى سهولة متوسطة
و الحاسب و اللغة سهلين
ليست هناك تعليقات:
إرسال تعليق