الثلاثاء، 24 يوليو 2012

اراء طلبة تانية باور حول مواد الترم الاول لميكانيكا قوى للفرقة الاولى( مهم جدا)


 اراء طلبة تانية باور حول مواد الترم الاول لميكانيكا قوى للفرقة الاولى( مهم جدا).

ده كلام من بش مهندسة من تانية بور


المواد

1- رياضه2

د/ عماد الفريد ,د/ الفيصل


الماده سهله جدا بس طويله شويه ومحتاجه حل , حضور المحاضرات مهم وفي غياب

,,,,المذاكره تكون من المحاضرات وورق م/ محمد فتحي وهتجيب فيها تقدير باذن الله


2- فيزياء 2

د/ وائل زغلول

مش هتفهم اي حاجه في المحاضرات خالص وهتحس انها صعبه لكن في الاخر هتذاكر المسائل المحلوله في الكتاب وكله هيبقى تمام ان شاء الله


امتحان الشفوي فيه شيت هيتسلم وعليه درجات كتير

دا لو الدكتور متغيرش

3- هندسه كهربيه


ماده ملهاش اي لازمه ,,, هي مش صعبه بس محتاجه شوية مذاكره

المحاضرات مهمه جدا وعليها غياب

المذاكره من ورق م/ الدخاخني والمحاضرات

مفيش غير معيد واحد بس في السكاشن ومش ملتزم بالحضور فمتعتمدوش عليه


الماده دي بتبان سهله لكن ناس كتير بتشيلها

4- هندسة انتاج


د/ جمال شحاته ,د/ عبد الرحمن


الماده دي بجد هتكرهك في نفسك وفي القسم وفي الحياه كلها بس متلقش ربنا بيستر في الاخر وكله بيعدي


المحاضرات مهمه جدا وفيها غياب + مهم حضور الورش جدا


هيطلب منك ريبورتات كتيير وشيتات وحاجات كتيير اعملها وخلاص هي مش عليها درجات كتيير بس بتفرق مع درجات العملي لانك فعلا هتحتاجها


درجات الميد ترم هتكون مش حلوه ,عادي جدا كله بيتعدل في الاخر


ملاحظه.......... متخدوش دروس فيها خااااااااالص سواء مع الدكتور او بره لانها مش بتعمل حاجه , لكن هاتوا الورق بس


5- رسم ميكانيكي


ماده جميله ونفس نظام اعدادي حضور السكاشن ورسم الواجب


بس لازم تفهم اللي بترسمه وتسال فيه لانه هيفيدك بعد كدا


في جزء نظري في المحاضرات لازم يتذاكر لانه مفيد ومهم و عليه درجات كتيير وبتفرق


6- ميكانيكا ومقاومة مواد


مادتين منفصلتين بس الامتحان واحد


ميكانيكا........

د/ الحاج حسن ............ الماده محتاجه مذاكره وحل كتير +حضور المحاضرات ضروري لان الامتحان مش بيخرج من المحاضره نهائي وكمان ممكن تلاقيه اخد غياب في اي يوم

مقومة المواد .......


د/ ياسر شبانه

ماده صعبه شويه لكن حضور المحاضرات والمذاكره هيفهمك الدنيا


لازم تحضر محاضرات د/ ياسر وتكتب وراه كل كلمه لانه بيفهم جدا + ان الامتحان بيكون من المحاضرات خصوصا النظري


دي كل مواد الترم الاول والترم التاني نتكلم عليه في وقته


شدوا حيلكو وبالتوفيق

...................................................................................................................................................................


السلام عليكم و رحمة الله و بركاته


رياضه 2


مادة سهله اوى واللى بيدرسها دكتور عماد الفريد و دكتور فيصل ربنا يكرمهم هم الاتنين

و زى ما نهله قالت محتاجه حل كتير

دكتور عماد زى ما عودنا من اعدادى بيجيب المسائل هى هى من محاضراته و ساعات بارقامها كمان و دكتور فيصل بيجيب افكار شبيهه باللى اداه فى المحاضرة يعنى هى مادة المفروض تتقفل بس نصيحه مهمه جدا متجيش فى الاخر و تكسل و متاجلش حاجه لايام الامتحانات عشان هتلاقى نفسك حتى لو فاهمها مش قادر تجمع و مش هتفتكر اى حاجه من اللى زاكرتها اول مرة ليلة الامتحان و ده حصل معايا عشان كده بنبهكم و كذلك طبعا فى اى مادة ...اه وحاجه كمان مهمه جدا اهتم اوى بامتحان الميد تيرم ويا سلام لو تقفله يبقى تمام اوى عشان بيديك دفعه انك تقفل فاينال كمان

فيزيا 2


دكتور وائل زغلول

مش هقولك ان الماده صعبه و متتفهمش و لا انك مش هتفهم من الدكتور مع ان ده اللى حصل معايا و مع كتير من زمايلنا لكن كان فى ناس بتفهم منه عادى يعنى انت حط ف دماغك انك هتفهم ان شاء الله و ركز معاه اوى

لان انطباعك او وحهة نظرك فى الدكتور بتشكل الجانب الاكبر من قدر استفادتك بمحاضراته و دى اما مجرباها مع دكتور ياسر شبانه ...مين دكتور ياسر ده؟ ...هكلمكو عنو كمان شويه.. وان كنتو ممكن تبقو عارفينه من اعدادى


اهتم بالتجارب العملى او بمعنى اصح احفظها عشان هتتسال فيها شفوى مش هتعملها بايدك و عشان تحفظها لازم طبعا تكون حضرتها وفاهمها كويس ...0 دة اللى حصل معانا انما ممكطن الدكتور يغير نظام امتحان العملى معاكم و ميبقاش بالفوضى اللى كانت موجوده معانا دى

هندسه كهربيه

دكتور (مش فاكرة اسمه )


ماده بتاعت تقدير و مش صعبه ابدا بس محتاجه تدريب كتير جدا و هاتوا فيها و رق المروة مهم اوى ده

السكاشن مهمه اوى.... المحاضرة نص نص

ميكانيكا ومقاومة مواد


مادة واحده بس مادتين فى نفس الوقت بمعنى انهم بيبقومحطوطين كمادة واحده فى النتيجه و كمان امتحانهم فى يوم واحد وفى وقت واحد انما كمذاكرة وكماده و محاضرات و سكاشن دى غير دى تماما

نمسك الميكانيكا

دكتور الحاج حسن متبصش لرخامته خليك فى شرحه حاول تفصل الاتنين عن بعض شرحه و طريقة حلو للمسائل مهم اوى و اكتب معاه فى المحاضرة عشان بيجيب من مسائل المحاضرة و بيحب اوى اللى يحل بنفس طريقته ماده مش صعبه ابدا احضر السكشن لبشمهندس احمد صلاح و هات ورق الفاروق و هتلاقيها اجمل من ميكانيكا اعدادى و الذ منها بكتير و اهتم برضه باعمال السنه اوى

مقاومة المواد

الدكتور العبقرى المتألق فى سماء العبقريه .. ياسر شبانه

فى الاول هتحس انك تايه شويه معاه بس لو ركزت هتفهم اوى و هتحس ان دماغك شغاله اوى و مش هتعرف تنام منه اصلا فى المحاضرة لانه ممكن يصطادك و يسالك فجأة بس هو يحب اللى يشارك معاه فى المحاضرةوذكار محاضراته كويس جدا و اولا باول و الاهم انك تكون فااااهم وولا سكشن ولا بتاع هو كفايه دكتور ياسر و بس لكن احضر السكشن برضه ده اذا بشمهندس سامى جالكو السكشن يعنى

رسم


ليها محاضرة و دى مهمه جدا هتتعلم فيها معلومات حلوة اوى و مهمه اوى و لذيذه اوى و الجزء النظرى لازم تهتم بيه جدا لانه عليه 40 درجه فى الفاينال حاول متضيعهمش و لازم متضيعهمش

و طبعا سكشن الرسم العادى جدا زى بتاع اعدادى بالظبط بس الفرق ان الدكتور فى النحاضرة هو اللى بيحدد رسمة الواجب و بيديها دكتور علاء البطش ربنا يمسيه بالخير


اخر بلوة و هى

هندسة الانتاج


دكتور جمال شحاته و دكتور عبد الرحمن موسى


مش هتكلم على شخصية الدكاترة ملوش داعى

المادة مش صعبه نصها نظرى و نصها مسائل اوعى تعمل زيى و تزاكر المسائل بس و تعتمد عليها لا لازم تحاول تفهم النظرى فى المحاضرة و تزاكره كويس ان شالله حتى تحفظه لو مش قادر تفهمه لان عليه درجات كتير اوى و بيرفعك اوى دكتور جمال بيطلب ريبورتات كتير لازم تعملهم و تتعب شويه بس هينفك اوى فى اعمال السنه ......بس بيتهيقلى سيارات هم اللى خاضوا معاه اخر تجربه و كان مغير النظام معاهم فهم هيفيدودكوا اكتر شويه


و الورش لازم تحضرها عشان الغياب و فى ريبورتين لازم تعملهم عشان الدرجات برضه


 

ليست هناك تعليقات:

إرسال تعليق

Related Posts Plugin for WordPress, Blogger...